دولة القانون ام قانون الدولة

القانون هو مجموعة قواعد تنظم سلوك الافراد فى المجتمع بصورة عامة مجردة


تعريف قانونى بحتى بس ملخصه ان القانون المفروض يطبق ع الكل زى بعض و ميكونش لطرف مصلحة فى القانون ده و ميكونش بيغلب طرف ع طرف

المهم بقى

بعيد عن الاسماء و التعريفات القانونية القانون بالنسبالى هو مرايا للمجتمع ومش ديما بيكون مرايا بيكون مرايا للى بيحصل فعلا لان احيانا القانون بيبيح بعض الاشياء اللى بيحرمها الدين فى مصر مثلا شرب (وليست تجارة )المخدرات والخمرة او حاجات بترفضها العادات و التقاليد زى المصاحبة و الزوج العرفى وحاجات كتير

القانون عندنا بقى لذيذ جدا مش بيعكس رغبة المجتمع و لا الكلام الللى فوق ده خااااالص هو كان ومازال  بيعكس رغبة الحاكم رغبة الحاكم فى الاستبداد و الانفراد بالسلطة يعنى عندنا قانون مباشرة الحقوق السياسية عايز متخصصين يفهموا مش اى حد يفه و ده يعكس رغبة الحاكم فى عدم ممارسة الحقوق ديه
معندناش قانون يحرم شرب و تداول الخمور رغم انه وفقا للدستور المفروض تتمنع بس المشرع او الحاكم اللى معين المشرع عايز كدة ... الخ من امثلة لا حصر لها

احنا فى مصر المفروض قمنا بثورة او شبه ثورة سميها زى ما تحب الثورة كانت ع الفساد ...  اللى منه بالطبع الفساد القانونى اللى كان بيدى للشرطة وخصوصا امن الدولة صلاحيات وسعة و المثل بيقول محدش يلقى دلع و ميدلعش

رغم ان عندنا القانون فاسد بس لازم نحترمه يعشان منوقعش تحت طائلة العقاب اللىى اصلا فى حد ذاته مفُسد فى طريقة تنفذه

نرجع للموضوع الاساسى احنا عايزين دولة قانون و لا قانون الدولة ...... لو عايزين قانون الدولة فهو كما سبق بالظبط يبقى نعد فى بيوتنا و هما هيقوموا بالواجب

انما لو عايزين دولة القانون يبقى لازم ننزل نطالب بيها وزى ما قولت يبقى القانون يطبق ع الكل و ميكونش لطرف الانفراد بجزء منه او يحدد منه شئ زى ما مغتصب الفترة ما بعد الانتقالية(وفقا للمدة التى حدده لنفسه بعد خلع المخلوع ) عايز يعمل و ينفرد بجزء من الدستور بوثيقة
انا عن نفسى عايز دولة قانون تتطبق القانون ع الكل وبدون اى تمييز



وديه تدوينة عن الدستور و كيفية كتابة الدستور
http://7abaqanon.blogspot.com/2011/07/blog-post.html